Plantun de Prouvènço

Pèr coumpara dos planto d'encò nostre

Asperula cynanchica subsp. cynanchica & Colutea brevialata

Asperula cynanchica subsp. cynanchica

Rubiaceae

Noms en français : Aspérule à l'esquinancie, Herbe à l'esquinancie.

Descripcioun :
L'erbo-de-l'esquilènci es uno planto proun coumuno, mai pas toujour bèn couneigudo, que trachis dins li tepiero seco de colo e de mountagno. Li lòngui tijo, carrado e primo, porton d'inflourejado de poulìdi flour roso emé un long tube. Li fueio d'en bas soun verticilado alor que li di ramo d'en aut soun óupousado.

Usanço :
Ero uno erbo couneigudo pèr sougna l'esquilènci, valènt-à-dire li poustèmo (acamp) di gaio dóu còu (amidalo).

Port : Erbo
Taio : 10 à 60 cm
Fueio : verticilado
Tipe bioulougico : Emicriptoufite
Cicle bioulougico : Planto renadivo

Gènre : Asperula
Famiho : Rubiaceae

Coulour de la flour : Roso
Petalo : 4
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Roucaio - Paret - Champ
Estànci : Mesoumediterran à Subaupen
Couroulougi : Éurimediterranenco
Ref. sc. : Asperula cynanchica subsp. cynanchica L., 1753

Baganaudié(-de-Franço)

Colutea brevialata

Fabaceae Leguminosae

Àutri noum : Brouteirolo, Faus-sené, Cascavèu, Glou-glou, Pan-pan.

Nom en français : Baguenaudier de France.

Descripcioun :
Aquéu baganaudié, un pau mai pichot que soun cousin, Colutea arborescens trachis dins li blachiero caudo sus cauquié. Se recounèis à si jóuini fru pelous (fotò) e peréu à si flour pu pichoto e à si fueio qu'an mens de fueioun, generalamen (4 à 7 en liogo de 6 à 12). Coumpara emé lou baganaudié.

Usanço :
Coume lou sené si grano soun purgativo, mai avisas-vous de n'en pas trop prendre.

Port : Aubre
Taio : 0,8 à 2 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Colutea
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) enflourejado : 12 mm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Abriéu à jun

Liò : Brachiero - Bouissoun
Estànci : Termoumediterran à Coulinen
Couroulougi : Éuroupenco-Sud
Ref. sc. : Colutea brevialata Lange, 1862 (= Colutea arborescens subsp. gallica Browicz, 1963 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Asperula cynanchica subsp. cynanchica & Colutea brevialata

CCC

Coumpara Erbo-de-l'esquilènci emé uno autro planto

Coumpara Baganaudié(-de-Franço) emé uno autro planto